Plantun de Prouvènço

Pèr coumpara dos planto d'encò nostre

Moenchia erecta & Humulus lupulus

Moenchia erecta

Caryophyllaceae

Nom en français : Céraiste dressé.

Descripcioun :
Pichoto erbo verdalo, sènso pèu, emé de fueio óupousado en lanço, que trachis sus sòu séusous. Se recounèis majamen à si flour di 4 petalo e 4 sepalo. Li sepalo soun un pau mai longo (+ 2 à 7,5 mm). Li flour soun pourtado pèr de long pecou bèn dre. Au nostre li flour an 8 estamino (varieta octantra) .

Usanço :
Counèissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 25 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Moenchia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 4
Ø (o loungour) flour : 6 à 10 mm
Flourido : Printems

Sòu : Si
Autour basso e auto : 0 à 1200 m
Aparado : Noun
Abriéu à jun

Liò : Pelouso umido - Riéusset - Prado tourbouso
Estànci : Mesoumediterran à Mountagnard
Couroulougi : Paleoutemperado
Ref. sc. : Moenchia erecta (L.) G.Gaertn., B.Mey. & Scherb., 1799

Óubloun

Humulus lupulus

Cannabaceae

Àutri noum : Barbouto, Vigno-dóu -Nord.

Noms en français : Houblon, Houblon grimpant.

Descripcioun :
Cadun counèis li pigno (enflourejado) dóu óubloun que douno à la biero soun goust. Es uno planto coumuno au nostre dins li relarg umide e proche d'aigo. Se recounèis peréu à si fueio di tres partido (de cop que i'a entiero) e à si lòngui liano.

Usanço :
Aleva pèr la biero, li pigno podon perfuma mant uno bevèndo o èstre manjado. Ajudon à dourmi (dins d'ùni relarg se n'en fai de coussin). Fau saupre peréu que li jóuini cambo soun manjadisso coume d'espargo. Ei poussible d'utilisa li tijo pèr la banastarié.